اذا تختار الهجرة ولا تبقى في بلادك التعيسة؟

لماذا تختار الهجرة ولا تبقى في بلادك التعيسة؟ هاك الأسباب الرئيسية


تخدم في دزاير تخلص 4 ملاين للشهر هذا اذا لقيت خدمة مليحة ماعندكش سكنة تروح تكري يقولك خلصني بالعام طيحلك وحد 30 مليون تحب واذا لقيت سكنة تحب تتزوج لازملك كاش 100 مليون على الاقل زيد اذا تزوجت هل الشهرية تكفيك باه تعيش بيها؟؟ وكي يلحق العيد ولا الدخلة تع لمسيد ولا يمرضو ولادك في اغلب الاحيان تروح تسلف لانك ما عندكش زيد دايمن تلقى الحانوت يسالك حق الكريدي
اما في اوروبا العكس فالدخل الشهري حتى لو كان ضعيفا فهو يكفيك وان لم تكن عاملا فستأخد منحة البطالة وتخفيض في الكراء هذا ان الدولة تحوس على شعبها أما في الجزائر يسحقوك غير في لارمي والانتخاب ولا كي تنوض كاش حرب يدوك تحارب هذا ماكان وكي يكون ما عندكش يزيدو يعفسو عليك
في اوروبا مع انهم عنصريين مي ما يظلموكش يطبقو عليك القانون اذا خالفتو اما شيء اخر فيعطوك كل حقوقك اما في الجزائر بلاد العدل القانون الوحيد السائر في البلاد هو البقاء للأقوى والغني هذا ماكان. الظلم الحقرة المعاناة الفقر سوء المستشفيات والنظام التعليمي يعني حاجة ما تصلح حتى الماكلة ولعفايس اللي نشروهم من الحانوة اغلب الماركات مدغولين يطبعو للشعب الراشي عكس اوروبا اللتي تهتم بالجودة والذوق
عرفت علاش نخدم زبال في اوروبا وما نخدمش مدير في الجزائر ؟؟
الهجرة هي الحل :) كارطونة في roma ولا القعدة في الحومة :'(
و كل حر في حياته و رايه